ફાઇનલ મેચમાં ભારતીય ક્રિકેટ ટીમના ભૂતપૂર્વ ક્રિકેટર મુનાફ પટેલ તથા વીર નર્મદ દક્ષિણ ગુજરાત યુનિવર્સીટીના કુલપતિશ્રી ડૉ. કે. એન. ચાવડા સાહેબ રહ્યા હાજર
સુરત: વેસુ ખાતે 28 ઓગસ્ટ થી 3 સપ્ટેમ્બર સુધી D. C. Patel બોક્સ ક્રિકેટ ટુર્નામેન્ટ સીઝન 2 નું આયોજન કરવામાં આવ્યું હતું. જેમાં કુલ 230 ટીમોએ મળી જેમાં 500 બહેનો અને 1800 ભાઈઓ એમ કુલ 2300 વિદ્યાર્થીઓએ ભાગ લીધો જેનું આજરોજ ફાઇનલ મેચો સાથે સમાપન થયું હતું. આ પ્રસંગે ભારતીય ક્રિકેટ ટીમના ભૂતપૂર્વ ક્રિકેટર મુનાફ પટેલ અને વીર નર્મદ દક્ષિણ ગુજરાત યુનિવર્સિટીના કુલપતિ ડૉ.કે.એન.ચાવડા ખાસ ઉપસ્થિત રહ્યા હતા.
બોક્સ ક્રિકેટના વાઇસ ચેરમેન મયુરી દેસાઈ અને શ્રેયા પટેલે જણાવ્યું હતું કે ફાઇનલ મેચના અંતે બોયઝ કેટેગરીમાં ધ લીજેંડ અને ગર્લ્સ કેટેગરીમાં થન્ડર ક્વીન ટીમ વિજેતા બની હતી. બંને વિજેતા ટીમોને ક્રિકેટર મુનાફ પટેલ અને કુલપતિશ્રી ડૉ. કે. એન. ચાવડા સાહેબ ના હસ્તે ટ્રોફીઓ એનાયત કરવામાં આવી હતી. જ્યારે બોયઝ કેટેગરીમાં ઇન્વિસિબલ ટાઇટન્સ રનર્સ અપ અને ડ્રીમ 11 ટીમ ફર્સ્ટ રનર્સ રહી હતી. બેસ્ટ બેસ્ટ બેટ્સમેન, મેન ઓફ ધ મેચ અને મેન ઓફ ધ સિરીઝ નો ખિતાબ વિવેક જૈન ને મળ્યો હતો અને બેસ્ટ બોલર તરીકે ટુર્નામેન્ટમાં 11 વિકેટ લેનાર અભિષેક અને બેસ્ટ ફિલ્ડર તરીકે સક્ષમ બજાજના નામની જાહેરાત કરાઈ હતી. તેવી જ રીતે ગર્લ્સ કેટેગરીમાં સિસ્ટમ સ્કવોડ રનર્સ અપ અને સ્ટાર લાઇટર્સ ટીમ ફર્સ્ટ રનર્સ અપ રહી હતી. જ્યારે બેસ્ટ બેટ્સમેન અને મેન ઓફ ધ સીરીઝનો ખિતાબ જાનવી એ મેળવ્યો જે સારદાયતન સ્કૂલ ની વિદ્યાર્થીની તો ફાઇનલ મેચમાં શ્રેષ્ઠ પ્રદર્શન બદલ મેન ઓફ ધ મેચ નો ખિતાબ કરીના પટેલે મેળવ્યો હતો અને બેસ્ટ બોલર તરીકે મહેક તો બેસ્ટ ફિલ્ડર તરીકે રાણી તિવારીના નામની જાહેરાત કરાઈ હતી.
