પ્રતિભાશાળી વિદ્યાર્થિની આરવી અગ્રવાલને રાજ્યપાલ આચાર્ય દેવવ્રતના વરદ્દ હસ્તે ગોલ્ડ મેડલ અને બે પારિતોષિકો એનાયત
સુરત,બુધવાર : વીર નર્મદ દક્ષિણ ગુજરાત યુનિવર્સિટીના 59મા પદવીદાન સમારોહમાં તેજસ્વી વિદ્યાર્થીઓને મેડલો, પદવીઓ અને પારિતોષિક અર્પણ કરી શૈક્ષણિક સિદ્ધિઓને બિરદાવવામાં આવી હતી. આ અવસરે બેચલર ઓફ આર્ટ્સ (બી.એ.) ની ડિગ્રીમાં અર્થશાસ્ત્ર વિષય સાથે સમગ્ર દક્ષિણ ગુજરાત ઝોનમાં સર્વોચ્ચ સ્થાન પ્રાપ્ત કરનાર સુરતની પ્રતિભાશાળી વિદ્યાર્થિની આરવી સુરેન્દ્ર અગ્રવાલને રાજ્યપાલ શ્રી આચાર્ય દેવવ્રતના વરદ્દ હસ્તે સુવર્ણ પદક અને બે પારિતોષિકો એનાયત કરી સન્માનિત કરવામાં આવી હતી.
કઠોર પરિશ્રમ, વિષય પરનું ઊંડાણપૂર્વકનું પ્રભુત્વ અને દ્રઢ નિશ્ચયના બળે આરવીએ આ યશસ્વી સફળતા મેળવીને માત્ર પોતાના પરિવારનું જ નહીં, પરંતુ સમગ્ર દક્ષિણ ગુજરાતનું ગૌરવ વધાર્યું છે. રાજ્યપાલશ્રીના હસ્તે એવોર્ડ સ્વીકારતી વેળાએ ઉપસ્થિત મહાનુભાવો અને શૈક્ષણિક જગતના દિಗ್ಗજોએ તાળીઓના ગડગડાટ સાથે તેમની આ સિદ્ધિને વધાવી હતી.
આરવીએ પ્રતિભાવ વ્યક્ત કરતા કહ્યું કે, જો સાચી દિશામાં લગનપૂર્વક મહેનત કરવામાં આવે, તો કોઈપણ ક્ષેત્રમાં શિખરો સર કરી શકાય છે. વિષમ પરિસ્થિતિમાં પણ દ્રઢ સંકલ્પ સાથે કરેલો સખત પુરુષાર્થ ચોક્કસથી સફળતા અપાવે છે. મને મારા પરિવારજનો એ વાત સાથે સતત પ્રેરણા આપતા રહે છે કે ‘વિષમ પરિસ્થિતિમાં પણ દ્રઢ સંકલ્પ સાથે કરેલો સખત પુરુષાર્થ ચોક્કસથી સફળતા અપાવે છે, જેથી મહેનત કરવામાં પીછેહઠ કરવી નહીં.
